عرضت قناة الوثائقية بودكاست “كلام في الفن”، عن الملحن الراحل محمد رحيم، حيث تم تصوير الحلقة قبل وفاته بأيام.

وقال الملحن محمد رحيم خلال بودكاست “كلام في الفن” تقديم الكاتب الصحفي محمد العسيري، إن أول جائزة “ميوزك أورد” حصل عليها مع الفنان عمرو دياب كانت سنة 2001 بأغنية “حبيبي ولا على باله”.

وأضاف: “كانت نموذجا للأغنية المصرية وشرقي، والأستاذ علي الحجار قال إنه يحب لحنها جدًا وقال إنها أقرب حاجة للطقطوقة المصرية وده كان في دماغي وأنا بعملها”.

وتابع: “أنا متعود على فكرة ترجمة الأغاني بتاعتي في الخارج، إنما اللي بيحصل دلوقتي وده اللي عاجبني إن الأغاني تتغنى باللغة العربية كما هي، الحمدلله كسرنا حاجز اللغة في بعض الأعمال، تجد ناس من الجنسية الأمريكية والروسية والإيطالية والفرنسية يغنون بالعربي”.

وأردف: “رأنيا فيديو لمجموعة من الأمريكيين من أصل إفريقي غنوا أغنية صبري قليل بالعربي، وعلشان هما صناع موسيقى كان واضح أنهم كانوا يذاكرون التقطيعة اللي فكرت فيها، علشان مسمعوش حاجة زي كدة وده كانت بالنسبة لي كملحن مصري حاجة تسعدني وتشرفني إننا نوصل موسيقى بلدنا بطريقة مبهرة للناس”.

وواصل: “بعد 15 سنة من ألبوم جرح تاني اللي كان فيه أغنية “صبري قليل” كنت عامل لشيرين بيعاملني بطيبة وإحساس وفضلوا الأغنيتين يتنافسوا مع بعض أول وثاني وحجزوا مكان لمدة 11 أسبوعًا ودخلوا موسوعة جينيس، علشان أكثر مطرب حقق رقم قبلها كان قاعد 3 أسابيع فقط، ودي أكيد حاجة تفرح جدًا”.

واستكمل: “الكريديت مش بيرجع فقط للمطربة اللي غنت، هي دخلت جينيس بأغاني محددة ودي حاجة أنا فخور بها جدًا”.