قال : “متقعدوش كل شوية تهدوا في بلدكم، خلوا بالكم هما يومين وإللي بعدي جاي وإللي بعده جاي، لكن البلد دي هي إللي قاعدة بناسها، يبقى الناس تحافظ على بلدها ومتهدوهاش”.

وأضاف الرئيس السيسي، اليوم خلال كلمته في مقر أكاديمية الشرطة، نقلتها قناة إكسترا نيوز: “الخصم لن يتوقف وهيفضل شغال دلوقتي وبكره والسنين القادمة ودي حكمة ربنا في الوجود إللي إحنا فيه، الأمة إللي بتصمد وشعبها بيركز في الأرض ويصبر ويشتغل ربنا بيديله أسباب النجاح”.

وتابع: “إحنا عايزين نحافظ على كل حتة في مصر وكل شجرة وكل حياة فيها، وكل انطباع نبنيه عن بلدنا ونقول للناس إن احنا في أمان تعالوا خشوا بلدنا”.

وواصل: “إوعوا تفتكروا إن ربنا هيعز أبدًا إللي بيهد، بس بأي عمر هيتحاسب إمتى إللي بيهد، والدولة إللي بتهد دولة هتتحاسب إمتى، إنت فاكر أنه هيبقى دلوقتي ممكن يبقى بعد 10 سنين أو 20 سنة، إوعى تخرب إنت تعمر وتبني وتصلح، بس والباقي على الله”.

واستكمل: “عملية الشر والاستهداف لمصر مش هتنتهي والدرع أنا معاكم فيه لأن درع أي أمة في العالم هو ناسها مش الجيش والشرطة بس، مع العلم إن الجيش والشرطة هما جزء من الشعب، بس درع الدولة هو شعبها”.